Në Shqipëri sot zhvillohen zgjedhjet e pjesshme lokale për të zgjedhur kryebashkiakët e rinj në Vlorë, Berat, Cërrik, Mat dhe Tepelenë.
Qytetarët e këtyre pesë bashkive i janë drejtuar kutive të votimit për të përcaktuar drejtuesit e rinj vendorë.
Ndërkohë, Policia e Shtetit ka njoftuar se ka hartuar një plan të posaçëm masash për mbarëvajtjen e procesit zgjedhor. Forcat policore kanë marrë në ruajtje nëntë objekte zgjedhore, ku janë vendosur komisionet e KZAZ-ve, si dhe 473 qendra votimi në të cilat po zhvillohet procesi i votimit.
Autoritetet kanë bërë thirrje për një ditë zgjedhore të qetë dhe respektim të plotë të rregullave ligjore gjatë procesit të votimit.