Specialja ia refuzon kërkesën për avokat dëshmitarit Fondaj

Dhomat e Specializuara të Kosovës (DhSK) në Hagë kanë rrëzuar kërkesën e dëshmitarit Kurtesh Fondaj, që t’i caktohet një avokat mbështetës në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Me pretendim se është ndier i keqpërdorur, Fondaj që në fillim të seancës kërkoi avokat.

Sipas kryetarit të trupit gjykues, Charles Smith III, nuk është ngritur asnjë pretendim se dëshmitari ka kryer ndonjë krim dhe se nuk është përgjigjur në ndonjë formë që si rrjedhojë ta ketë inkriminuar veten.

“Zotëri Fondaj, e kuptoj që keni biseduar me Zyrën Administrative dhe i keni shprehur shqetësimet tuaja. Ne i kuptojmë shqetësimet tuaja, tani unë do t’i përgjigjem disi pretendimeve tuaja. Që të caktojmë një avokat ne për dëshmitarin duhet të ketë arsye të forta që dëshmitari mendon se po e inkriminon veten dhe mendon se po e akuzojnë se është kryerësi i një krimi. Ky nuk është rasti ynë. Në asnjë moment nuk është ngritur ndonjë pretendim, je një person i nderuar. Askush nuk ka pretenduar që keni kryer krim apo që jeni përgjigjur në ndonjë formë që t’iu ketë inkriminuar në ndonjë formë”, ka thënë kryetari i trupit gjykues.

Gjyqtari e njoftoi dëshmitarin se kërkesa e tij për një avokat është rrëzuar.

“Po ashtu, jeni shqetësuar për pyetjet e gjykatësve, sipas rregullores sonë, gjykatësit mund t’iu drejtojnë pyetje dëshmitarëve gjatë procesit gjyqësor. Ju jeni këtu thjesht për ta thënë të vërtetën, për t’iu përgjigjur pyetjeve me aq sa mundeni. Ne e kuptojmë që është stresuese kjo situatë dhe ne e vlerësojmë faktin që keni ardhur dhe që po bëni të pamundurën. Ne do të vazhdojmë. Ne të kemi edhe disa pyetje dhe shpresojmë që të mbarojmë sa më shpejt, në mënyrë që të largoheni. Kështu që, kërkesa e juaj për një avokat në këtë moment rrëzohet”, tha Charles Smith III.

Më pas, me pyetje për dëshmitarin vazhdoi gjyqtari Guénaël Mettraux, i cili ia prezantoi dëshmitarit një dokument, në të cilin, sipas tij thuhej se Fatmir Limaj i kërkon një prokurori që të fillojë hetime penale.

“Kisha kërku të më kurseni nga këto çështje se së pari për mua ky dokument nuk është valid dhe nuk mban nënshkrimin e personit për të cilin po flitni, kështu që për mua është dokument i dyshimtë. Nuk po mundem të prononcohem për këtë çështje se nuk kam njohuri dhe thjesht nuk e di se cila është baza ligjore që është thirrë dhe dokumentin e tillë, respektivisht rregulloren që po flasim nuk e kam pas në dorë dhe nuk e di a është e shkrume saktë”, tha dëshmitari.

Shija e redaktorit

Garat e çiklizmit, edhe sot bllokim i përkohshëm i qarkullimit...

Policia e Kosovës ka njoftuar se edhe të shtunën, më 21 qershor 2025, do të ketë bllokim të përkohshëm të qarkullimit për automjetet në...

Vasfije Krasniqi rrëfen historinë e saj në OKB: Drejtësia është...

Vasfije Krasniqi ka ndarë rrëfimin e saj si e mbijetuar e dhunës seksuale në luftën e fundit në Kosovë, në Kombet e Bashkuara në...

Në ditën e çlirimit të komunës, përurohet memoriali i dëshmorëve...

Në tokën kur dikur u derdh gjak për liri, sot përjetësohen emrat që nuk do të shuhen kurrë. Në ditën e çlirimit të komunës së...

Të fundit nga rubrika