“Çdo sulm ndaj Policisë konsiderohet si sulm ndaj shtetit”, për Sindikatën e Policisë së Kosovës(SPK).
SPK, të hënën e katër korrikut ka vizituar policët e plagosur më tre korrik në Skenderaj. Në këtë rast ishte i përfshirë ish-kryetari i komunës së Skenderajt Nurendin Lushtaku, dhe familja e tij.
Sindikata ka theksuar mbështetjen e tyre për zyrtarët e Policisë së Kosovës të cilët ishin sulmuar gjatë kryerjes së detyrës zyrtare në Skenderaj.
“Sindikata e Policisë së Kosovës dënon ashpër çdo sulm ndaj Zyrtarëve Policorë” thuhet në njoftimin e lëshuar nga SPK-ja në faqen e tyre në Facebook.
Përveç që SPK-ja e ka dënuar sulmin ndaj pjesëtarëve të policisë ajo është shprehur se u ofron policëve mbështetje dhe, poashtu, i siguron këta të fundit se do të kenë përkrahjen e Sindikatës në çdo moment.
Sipas SPK-së, gjendja shëndetësore e policëve është stabile, dhe pse kishin pësuar lëndime të rënda trupore.