Stadiumi i qytetit “Shahin Haxhiislami” në Pejë do t’i nënshtrohet renovimit të tërësishëm.
Kështu ka bërë të ditur ministri i Kulturës, Rinisë dhe Sportit, Hajrulla Çeku.
Ai ka theksuar se tashmë janë ndarë 14.5 milionë euro për këtë projekt.
Ndërsa, siç ka njoftuar ministri Çeku, me të përfunduar hartimi i projektit zbatues të renovimit, do të shpallen procedurat për kontraktimin e operatorit për realizimin e punimeve.