Stano për Portali D: Të mërkurën Borell pret në darkë liderët e Ballkanit Perëndimor, pjesëmarrëse ministrja Gërvalla

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borell i fton në darkë liderët e Ballkanit Perëndimor të mërkurën, pjesëmarrëse edhe ministrja Gërvalla

Josep Borrell

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borell, ka organizuar një darkë me liderët e Ballkanit Perëndimor në Bruksel të mërkurën e 11 majit.

Këtë për Portalin D, e ka konfirmuar zëdhënësi i Bashkimit Evropian, Peter Stano, i cili ka thënë se në këtë darkë joformale do të diskutohet për të ardhmen e rajonit dhe sfidat kryesore me të cilat po përballet.

“Kjo përfshin situatën në rajon dhe në marrëdhëniet BE-Ballkani Perëndimor, pritshmëritë për anëtarësimin në BE dhe kontekstin më të gjerë gjeopolitik”, ka thënë Stano për Portalin D.

“Darka tjetër joformale do të mbahet në Bruksel të mërkurën në mbrëmje”, shtoi ai.

Zëdhënësi i Bashkimit Evropian, Peter Stano

Sipas tij, pjesëmarrja është në nivelin e liderëve (Presidentëve) ose Kryeministrave.

Po ashtu, në këtë darkë është konfirmuar edhe pjesëmarrja  e ministres së Punëve të Jashtme në Kosovë, Donika Gërvalla.

Kjo për RTV Dukagjinin është konfirmuar nga kabineti MPJD-së.

“Sot e kemi përfunduar vizitën ne Izrael, e në mbrëmje nisemi për në Bruksel. Po merr pjesë (në darkën joformale të organizuar nga Borrelli)”, ka thënë Sharr Jakupi, shef i Kabinetit të MPJD-së.

Darka e mëparshme informale ishte zhvilluar në shtator 2021 në Nju Jork në margjinat e Asamblesë së Përgjithshme të Organizatës së Kombeve të Bashkuara dhe e para nën mandatin e Borrell kishte qenë vitin e kaluar më 18 maj të vitit 2021.

Boreli në darkë me liderët e rajonit, bisedojnë për situatën në rajon dhe marrëdhëniet BE-Ballkani Perëndimor

Presidenti i Malit të Zi, Milo Gjukanoviq, presidenti i Maqedonisë së Veriut, Stevo Pendarovski, kryetari i Presidencës së Bosnjës dhe Hercegovinës Zheljko Komsiq, presidentja e Kosovës, Vjosa Osmani, kryeministri i Shqipërisë, Edi Rama si dhe ministri i Jashtëm i Serbisë Nikola Selakoviq ishin ata që morën pjesë në atë darkë joformale, ku ishte diskutuar për situatën në rajon dhe marrëdhëniet BE-Ballkani Perëndimor.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika