Zëdhënësi i Bashkimit Evropian, Peter Stano, ka folur për vendimin e Republikës së Kosovës, më të cilën do t’i ndal nga qarkullimi targat e paligjshme “KM”.
Stano ka theksuar se “është jashtëzakonisht e rëndësishme të parandalohen çdo lëvizje që do të çonte në rritje të tensioneve”.
“BE-ja ka qenë gjithmonë e qartë se vendimi i Kosovës për regjistrimin e targave është legjitim”, ka deklaruar Stano për mediumin serb N1.
“Megjithatë, sipas Marrëveshjeve për Lirinë e Lëvizjes në Dialog nga viti 2011 dhe 2016, është e rëndësishme që të jepet kohë e mjaftueshme për zbatimin e këtij plani dhe që të përgatitet dhe zbatohet në konsultim të ngushtë me qytetarët e prekur dhe në përputhje me praktikën evropiane”, ka shpjeguar ai.
Sipas Zëdhënësit të BE-së, Serbia dhe Kosova më së paku kanë nevojë për tensione.
“Përfundimet e vitit 2016 për lirinë e lëvizjes përfshinin afate për riregjistrim, të cilat duhet të ofrojnë udhëzime.” Prandaj, që nga fillimi i këtij procesi i kemi rekomanduar Qeverisë së Kosovës që të vendosë një periudhë prej 12 muajsh për riregjistrim. Sipas të njëjtit arsyetim, tani po kërkojmë nga Qeveria e Kosovës që të shtyjë afatin ekzistues për 10 muaj. Kjo shtrirje do të mundësonte një fushatë informative dhe konsultime më kuptimplote dhe gjithëpërfshirëse me popullsinë e prekur. Kjo gjithashtu do t’i mundësonte Kosovës që të gjithë serbët e Kosovës në veri të marrin kartat e identitetit të Kosovës dhe patentë shoferët e Kosovës”, ka kërkuar Stano.
Stano, iu ka bërë thirrje të dyja palëve që të jenë sa më konstruktive në dialog dhe të punojnë për “për të parandaluar çdo përshkallëzim të tensioneve, sepse kjo do të shkonte në kundërshtim me interesat e të dy popujve”.
Ai ka përfunduar duke thënë se “interesi i tyre më i rëndësishëm është të ecin përpara drejt Evropës kjo ka një rëndësi të veçantë në kontekstin aktual gjeopolitik, duke pasur parasysh ruajtjen e stabilitetit në rajon”.