Pas bisedës që kishte pasur me kryeministrin e Ksoovës, Albin Kurti, kësaj radhe Sekretari i Përgjithshëm i NATO-s, Jens Stoltenberg ka zhvilluar një bisedë telefonike me presidentin e Serbisë, Aleksandar Vuçiq.
Përmes një postimi në Tëitter, Stoltenberg ka bërë të ditur se me presidentin e Serbisë kanë folur në lidhje me tensionet e fundit të krijuara në veri të Kosovës.
Në njoftimin e tij, po ashtu ritheksohet se NATO/KFOR-i, është e gatshme të ndërhyje nëse rrezikohet stabiliteti.
“Foli me Presidentin e Serbisë @avucic për tensionet në veri të Kosovës. Të gjitha palët duhet të angazhohen në mënyrë konstruktive në dialogun e ndërmjetësuar nga BE-ja dhe të zgjidhin dallimet përmes diplomacisë. @NATO_KFOR është i gatshëm të ndërhyjë nëse rrezikohet stabiliteti, bazuar në mandatin OKB-së”, thuhet në postimin e Stoltenberg-ut, në Twitter.
Spoke to #Serbia’s President @avucic about tensions in northern #Kosovo. All sides must engage constructively in the EU-mediated dialogue, and solve differences through diplomacy. @NATO_KFOR stands ready to intervene if stability is jeopardised, based on its @UN mandate.
— Jens Stoltenberg (@jensstoltenberg) August 3, 2022
Një ditë më parë, në bisedën telefonike me kryeministrin e Kosovës, Albin Kurti, Stoltenberg ishte shprehur se pala kosovare dhe ajo serbe duhet ta ruajnë qetësinë dhe të shmangin veprimet e njëanshme.