Shqipëria ka hapur sot kapitujt e fundit të negociatave për anëtarësim në Bashkimin Evropian, duke përfshirë bujqësinë, sigurinë ushqimore, peshkimin, politikën rajonale dhe dispozitat financiare.
Kryeministri Edi Rama e ka cilësuar këtë si një arritje historike, duke theksuar se hapja e të gjithë kapitujve brenda 12 muajve ishte një sfidë e madhe që tani është bërë realitet.
Ai ka shtuar se Shqipëria do të vazhdojë punën me intensitet për të avancuar procesin e integrimit.
Komisionerja për zgjerim, Marta Kos, vlerësoi përkushtimin e Shqipërisë dhe mbështetjen e shteteve anëtare, duke theksuar se ky sukses është rezultat i reformave të autoriteteve shqiptare.
Procesi negociues i Shqipërisë nisi më 19 korrik 2022 dhe pritet të përmbyllet në fazën teknike deri në vitin 2027, duke hapur rrugën për miratimin politik të anëtarësimit nga parlamentet e 27 shteteve të BE-së.