Policia e Kosovës ka shpallur në kërkim Arkimed Lushajn, i njohur më mirë me pseudonimin “Stresi”.
Sipas njoftimit të Policisë, “Stresi”, i lindur më 15 qershor 1987 në Bajram Curr, Shqipëri, është i pandehur për ndihmë në kryerjen e veprës penale “Lëndim i rëndë trupor.”
Për këtë arsye, Policia ka kërkuar bashkëpunimin e qytetarëve për të ofruar informacion mbi vendndodhjen e tij.
“Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.
Personi i kërkuar është:
- Arkimed (Sali) LUSHAJ i lindur me 15.06.1987 nё Bajram Curr- Shqipёri.
I pandehuri është i kërkuar për veprën penale:
“Ndihma” nё kryerjen e veprës penale ‘Lёndim i rёndё trupor’ Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor”, thuhet në njoftim e Policisë.