Tash e tri javë, përfaqësues të Komitetit të Nismës Studentore të Universitetit të Beogradit janë duke organizuar protesta kundër presidentit serb, Aleksandër Vuçiq. Ata pritet që të enjten të paraqesin kërkesën për inicimin e procedurës për mosbesimin ndaj Vuçiq.
Studentët kanë thënë për agjencinë Beta se nisja e votimit të mosbesimit ndaj presidentit Vuçiq është kërkuar për shkak të shkeljes së Kushtetutës, transmeton DANAS.
“Të enjten, më 23 mars, në orën 12:44 do t’u paraqesim të gjitha grupeve parlamentare në Kuvendin e Serbisë kërkesën për fillimin e procedurës së votimit të mosbesimit ndaj Presidentit të Republikës, Aleksandar Vuçiq. Në këtë mënyrë duam që të gjitha palët të shprehen qartë nëse janë për dorëzimin e Kosovës dhe pranimin e planit franko-gjerman”, thanë studentët.
Studentët nga Beogradi deklaruan se për këtë aksion kanë mbështetjen e studentëve të Universitetit të Novi Sadit, të cilët siç thanë ata, do të organizojnë protestën e parë për mbrojtjen e Kosovës dhe mbrojtjen e Kushtetutës së Serbisë, të premten.
Të premten, studentët do të mbajnë një aksion para Kuvendit të Serbisë.