Stuhia Goretti ka goditur rëndë jugperëndimin e Cornwall-it dhe pjesë të Uells-it gjatë natës nga e enjtja në të premten, duke sjellë erëra ekstreme që arritën deri në 160 km/orë, sipas autoriteteve të Mbretërisë së Bashkuar. Erërat e fuqishme kanë rrëzuar pemë, kanë dëmtuar rrjetin energjetik dhe kanë lënë dhjetëra mijëra banesa pa energji elektrike, ndërsa një person ka humbur jetën.
Një burrë rreth të 50-ave është gjetur i vdekur mbrëmjen e së enjtes në zonën Mawgan of Helston, në kohën kur në të gjithë Cornwall-in ishte në fuqi paralajmërimi i kuq për erëra “jashtëzakonisht të rrezikshme”.
Devon and Cornwall Police njoftoi se shërbimet e emergjencës janë thirrur rreth orës 19:35 dhe se punimet për largimin e pemës së rrëzuar kanë nisur të premten. Autoritetet theksuan se rasti nuk po trajtohet si i dyshimtë dhe se familjarët e viktimës janë njoftuar.
Ndërkohë, paralajmërimet për borë dhe stuhi të forta mbeten në fuqi për pjesën më të madhe të Mbretërisë së Bashkuar edhe të shtunën, ndërsa mijëra qytetarë vazhdojnë të jenë pa energji elektrike. Paralajmërimet pritet të zgjasin edhe të dielën, me rrezik të lartë për ndërprerje të trafikut hekurudhor në Angli, Uells dhe Skoci, ka bërë të ditur National Rail.
I can’t quite describe how scary these winds are 😩
Power keeps going off, trampoline poles banging against the window, if it holds it will be a miracle 😔
Won’t be getting a lot of sleep tonight! 😩#stormgorreti #cornwall #stithians pic.twitter.com/egwnxKNlaB— Jo-Shreeve (@shreeve_jo) January 8, 2026