Deputeti i Kuvendit të Kosovës nga radhët e Partisë Unike Gorane, Adem Hoxha është sulmuar së bashku me familjen e tij mbrëmjen e kaluar në fshatin Zlipotok të Dragashit.
Në mesin familjar ka qenë gruaja e tij dhe vajza e mitur.
Lajmin për Dukagjinin e kanë konfirmuar nga ekipi i deputetit Hoxha.
“Po, janë sulmuar. Bashkë me të edhe bashkëshortja dhe vajza, vajza ka qenë më në stress, ka qenë me medikamente”, kanë deklaruar shkurt për Dukagjinin duke mos komentuar pjesën se kush ishte sulmuesi ose të paktën, ku i kanë dyshimet.
Lidhur me lëndimet, është deklaruar Dr. Hekuran Veçgishti, shef i Emergjencës në Spitalin Rajonal të Prizrenit.
“Po mund ta konfirmoj, kanë pasur lëndime të lehta. Kanë qenë së bashku me vajzën e mitur”, ka deklaruar ai për Dukagjinin.
Dukagjini ka provuar të kontaktoj edhe me Drejtorinë e Policisë së Kosovës për rajonin e Prizrenit por deri në publikimin e lajmit, nuk ka pranuar një përgjigje zyrtare.