Një sulm i dhunshëm është raportuar të martën në rrugën “Azem Bejta” në Skenderaj, ku dy persona kanë sulmuar fizikisht katër qytetarë, tre burra dhe një grua.
Sipas njoftimit të Policisë së Kosovës, të dyshuarit – meshkuj kosovarë – janë arrestuar pasi që kanë sulmuar fizikisht viktimat, të cilat janë dërguar menjëherë për trajtim mjekësor.
Mjekët kanë konfirmuar se të lënduarit janë jashtë rrezikut për jetë.
Me vendim të prokurorit, të dyshuarit janë dërguar në mbajtje, ndërsa ndaj tyre është iniciuar rasti “Vrasje në tentativë”.