Ambasadori i BE-së në Kosovë, Tomas Szunyog, është takuar me Komisionin për Zhvillimin e Procesit të Vlerësimit të Përkohshëm të Vettingut në Sistemin Gjyqësor.
Ai ka përsëritur qëndrimin e fortë të Bashkimit Evropian se çdo reformë në drejtësi duhet të bëhet në përputhje të plotë me Opinionin e Komisionit të Venecias të Këshillit të Evropës dhe standardet evropiane.
Kështu ka bërë të ditur vetë ai përmes një postimi në llogarinë e tij në Twitter.
“Pata një takim të mirë sot me anëtarët e Komisionit të Kuvendit të Kosovës për Zhvillimin e Procesit të Vlerësimit të Përkohshëm të Vettingut në Sistemin Gjyqësor”, ka shkruar ai.
“Përsërita qëndrimin e fortë se çdo reformë në drejtësi duhet të bëhet në përputhje të plotë me Opinionin e Komisionit të Venecias të Këshillit të Evropës dhe standardet evropiane”, shtoi ai.
I reiterated the 🇪🇺#EU's strong position that any justice reform should be done in full compliance with the @coe Venice Commission's Opinion and European standards👉 https://t.co/8sO4qa04Sk.
The EU will continue engaging w/Kosovo institutions on the justice reform issues.
(2/2)— Ambassador Tomáš Szunyog (@EUAmbKS) January 24, 2023
Sipas tij, BE-ja do të vazhdojë të angazhohet me institucionet e Kosovës për çështjet e reformës në drejtësi.
Qeveria e Kosovës, më 13 tetor, kishte miratuar koncept-dokumentin për vettingun në drejtësi përmes së cilit synohet të forcohet sundimi i ligjit.