Shefi i Zyrës së Bashkimit Evropian (BE) në Kosovë, Tomas Szunyog, është shprehur i lumtur që në dy javët e fundit në Kosovë janë miratuar disa ligje, siç thotë, të rëndësishme për procesin e integrimit evropian.
Këtu ai ka përmendur Ligjin për Agjencinë për Parandalimin e Korrupsionit, Ligjin e ri për Deklarimin e Pasurisë dhe Kodin e ri për Procedurën Penale.
Në një postim në Twitter, Szunyog ka thënë se miratimi i këtyre ligjeve paraqet një hap kyç legjislativ në garantimin e sundimit të ligjit dhe luftimin e krimit të organizuar dhe korrupsionit.
Glad to see that over the last 2 weeks, the Assembly of Kosovo 🇽🇰 adopted several laws that are important for the European 🇪🇺 integration process, incl. the Law on Agency for Prevention of Corruption, the new Law on Asset Declaration, and the new Code on Criminal Procedure. (1/3)
— Ambassador Tomáš Szunyog (@EUAmbKS) July 14, 2022
Tutje, ka thënë se BE-ja do të vazhdojë të mbështesë forcimin e sundimit të ligjit në Kosovë dhe punën e Agjencisë për Parandalimin e Korrupsionit.
Ndryshe, gjatë ditës së enjte në Kuvendin e Kosovës është votuar në parim Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme dhe projektligji për deklarimin e pasurisë.