Shefi i Grupit Parlamentar i Aleancës për Ardhmërinë e Kosovës, Besnik Tahiri, ka thënë se Kuvendi i Kosovës është i bllokuar.
Ai ka thënë se, ose ekziston një qasje strategjike politike për ta bllokuar atë, ose për shkak të moskonsultimit nga ministri i Financave Hekuran Murati, të asnjë çështjeje që e ngrit opozita.
“Shiheni ku ka ardhur Kuvendi, Kuvendi i Kosovës është i bllokuar, ose ka një qasje strategjike politike për ta bllokuar, ose për shkak të mosdijes, moskonsultimit, mostrajtimit nga ministri i Financave të asnjë çështjeje që e ngrit opozita”, ka thënë ai.
Sipas tij, pozita po luan një lojë, në mënyrë që deputetët e opozitës t’i bojkotojnë seancat në kuvend apo edhe punën në komisione.
“Për me e vendos keq LDK-në dhe opozitën që nuk kanë ditur të bëjnë amendament po luhet një lojë që do të na sjellë në situatë që ne si opozitë ta bojkotojmë Kuvendin e punën në komisione për ta dërguar një porosi”, tha ai.