Policia ka njoftuar se të paktën 20 persona kanë humbur jetën dhe 15 të tjerë janë plagosur të shtunën e 15 tetorit kur një autobus është përmbysuar në autostradën Pan-Amerikane në Kolumbinë jugperëndimore.
Autobusi ishte duke udhëtuar mes qytetit port të Tumaco, në jugperëndim të Kolumbisë, dhe Cali. “Fatkeqësisht, ne kemi një numër prej 20 personash të vdekur”, ka thënë kapiteni i policisë së trafikut të departamentit Narino, Albertland Agudelo.
Në mesin e 15 të plagosurve ishte dhe një vajzë trevjeçare dhe një djalë tetë vjeç.
Koloneli Oscar Lamprea për gazetarët ka thënë se hetuesit po shikojnë “dështime mekanike të mundshme në sistemin e frenave”. Në një raport paraprak thuhej se shoferi ka humbur kontrollin pasi ka dalur nga kthesa në një zonë me mjegull, raporton “barrons”.
Punëtorëve të shpëtimit nga policia dhe departamenteve të zjarrfikësve iu kanë nevojitur nëntë orë për të vendosur automjetin në këmbë dhe për të evakuar të plagosurit e për të rikuperuar të vdekurit.