Të paktën 35 persona kanë vdekur pas shembjes së dyshemes në një tempull të Indisë, duke i zhytur të njëjtit në një pus.
U zbulua se dyshemeja e cila mbulonte pusin, përbëhej nga pllaka të vendosura mbi një grilë metalike.
Tanimë, hetimet lidhur me tragjedinë kanë nisur gjersa ministri i Brendshëm i shtetit tha se familjet e të vdekurve do të kompensoheshin.
Një numër i madh besimtarësh, kryesisht gra dhe fëmijë, ishin të pranishëm në tempull të enjten për festivalin hindu të Ram Navami. Policia tha se dyshemeja e dobët u lëshua nën peshën e tyre. Pusi ishte 7.6 metra ujë kur ata ranë.
Pamjet televizive treguan punonjësit e urgjencës duke përdorur litarë dhe shkallë për të arritur te të bllokuarit, gjersa video të tjera treguan dyshemenë e thyer dhe shufrat e çelikut të prishur, dhe policinë duke përdorur litarë për ta mbyllur zonën.
“Pashë disa njerëz që binin me duart e tyre ende të mbledhura në lutje, duke u dukur të hutuar,” tha një dëshmitare okulare që mbijetoi, raporton “The Guardian“.
Nga ana tjetër, zyrtarët thonë se operacionet e shpëtimit po vazhdojnë. Deri tani janë shpëtuar 18 persona.
Times of India ka raportuar se ka parë dokumente që tregojnë se autoriteti komunal Indore urdhëroi heqjen e dyshemesë së improvizuar në janar, sepse ishte e rrezikshme, por u tërhoq kur hindutë vendas protestuan.
Një tragjedi e ngjashme ndodhi nëntorin e kaluar në Gujarat, Indinë perëndimore, kur 135 njerëz – kryesisht gra dhe fëmijë – ranë për vdekje në lumin Morbi poshtë.