Të premten e një korrikut, Kuvendi do të vazhdojë seancen plenare të së enjtes, duke filluar nga ora 10:00.
Rendi i ditës
Në rend dite është shqyrtimi i mocionit për shkarkimin e Bordit të Zyrës së Rregullatorit të Energjisë(ZRrE).
- Shqyrtimi i dytë i Projektligjit nr. 08/L-017 për Agjencinë për parandalimin e korrupsionit,
- Shqyrtimi i dytë i Projektligjit nr.08/L-108 për deklarimin, prejardhjen dhe kontrollin e pasurisë dhe të dhuratave,
- Shqyrtimi i Raportit vjetor të Agjencisë Kosovare të Privatizimit për vitin 2021,
- Shqyrtimi i Mocionit për shkarkimin e Bordit të Zyrës së Rregullatorit të Energjisë,
- Formimi i Komisionit ad-hoc për përzgjedhjen e kandidatëve për një anëtar të Bordit për Ankesat e Mediave.
Ndryshe, të enjten e 30 qershorit, pas përfundimit të debatit parlamentar, deputeti i LDK-së Besian Mustafa ka propozuar rezolutën me anë të së cilës kërkohet reduktimi i akcizës dhe norma e TVSH-së në derivate për një periudhë tremujore, me mundësi vazhdimi edhe për tre muaj të tjerë, varësisht nga zhvillimet në tregjet ndërkombëtare.
Po ashtu edhe zgjerimi i listës së produkteve esenciale me TVSH të reduktuar për tre muaj, me mundësi vazhdimi edhe për tre muaj të tjerë, varësisht nga zhvillimet ndërkombëtare.
Nga 71 deputetë pjesëmarrës në votim, për rezolutën votuan 24 deputetë, ndërsa kundër ishin 47.
Rrjedhimisht, rezoluta e propozuar nuk i mori votat e mjaftueshme për të kaluar në Kuvend.