Një rast i tentim vrasjes është raportuar në orët e para të së dielës në Rahovec, ku një burrë ka mbetur i plagosur nga një plumb, drejtimi i të cilit ende nuk dihet.
Ngjarja ka ndodhur rreth orës 01:00 pas mesnate.
Sipas Policisë së Kosovës, viktima – një mashkull kosovar – është qëlluar me armë zjarri dhe më pas është dërguar për trajtim mjekësor në Spitalin e Pejës.
Në vendin e ngjarjes kanë dalë njësitë përkatëse policore, ndërsa është njoftuar edhe prokurori i shtetit.
“Rahovec / 03.08.2025 – 01:00. Është raportuar se viktima mashkull kosovar është qëlluar nga një plumb që nuk dihet drejtimi se nga ka ardhur. Viktima është dërguar për trajtim mjekësor në Spitalin e Pejës. Në vendin e ngjarjes kanë dalë njësitë përkatëse policore si dhe është njoftuar prokurori”, thuhet në raportin e PK-së.
Hetimet rreth rrethanave të incidentit dhe identifikimit të të dyshuarve janë në vijim.