Policia e Kosovës ka njoftuar se një qytetar nga komuna e Prizrenit, ka raportuar se te objekti kishtar “Shën Pantelija”, disa të dyshuar kanë tentuar ta djegin me benzinë derën e objektit.
“Më 17.04.2023 rreth orës 23:09, një qytetar ka vërejtur një zjarr në afërsi të derës së një kishe, ai ka reaguar dhe ka arrit ta fik zjarrin pa u shkaktuar dëme të mëdha. I njëjti ka njoftuar policin se në rrugën Haxhi Krasniqi në Prizren, saktësisht tek objekti kishtar “Shën Pantelija”- kishë ortodokse, të dyshuar të pa njohur kanë tentuar ta djegin derën e hyrjes së këtij objekti”, thuhet në njoftim.
Në vend të ngjarjes pastaj kishte dalë një patrullë policore, ku sipas tyre aty kundërmonte era e benzinës dhe po ashtu ishte gjetur një shishe e plastikës e djegur.
Rasti është iniciuar si shkaktim i rrezikut të përgjithshëm.
“Patrulla policore i është përgjigjur rastit dhe me të arritur në vendngjarje konfirmojnë se në vendin e ngjarjes kundërmon era e benzinës dhe është një shishe e plastikës që është djegur. Pasi që janë mbledhur provat dhe dëshmitë, në lidhje me rastin është njoftuar Prokurori i Shtetit i cili ke rekomanduar që të iniciohet rasti Shkaktim i rrezikut të përgjithshëm”, vijon njoftimi.