Policia Kufitare e Kosovës ka njoftuar për arrestimin e një shtetasi të Malit të Zi, i cili tentoi të hyjë në territorin e Kosovës me substanca narkotike të dyshuara.
Ngjarja ka ndodhur mbrëmjen e së martës, më 14 maj 2025, rreth orës 22:20, në Pikën Kufitare të Bërnjakut. Gjatë kontrollit të zakonshëm, njësitet policore kanë zbuluar në çantën e të dyshuarit një qese të vogël najloni që përmbante rreth 0.69 gram substancë të dyshuar si kokainë. Gjithashtu, është gjetur edhe një plastikë e rrumbullakët me rreth 0.50 gram të së njëjtës substancë.
Sipas policisë, substanca e dyshuar si kokainë është konfiskuar ndërsa personi është shoqëruar për intervistim. Me vendim të prokurorit, i dyshuari është liruar në procedurë të rregullt, ndërsa hetimet po vazhdojnë për të ndriçuar rrethanat e plota të rastit.