Në Prishtinë është themeluar Instituti Hulumtues për Ekonomi dhe Financa (IHEF), i cili do të drejtohet nga ish-guvernatori i Bankës Qendrore të Kosovës (BQK), Fehmi Mehmeti.
Ky Institut, sipas Mehmetit, ka për qëllim të jetë në shërbim të zhvillimit të Kosovës në aspektin ekonomik e integrues.
“Me eksperiencë të gjatë udhëheqëse në sektorë të rëndësishëm, së fundmi guvernator i Bankës Qendrore të Republikës së Kosovës, do të drejtojë institutin që të kontribuojë për idetë ekonomike, me qëllim zhvillimin ekonomik dhe prosperues të Kosovës”, thuhet në njoftim.
Sipas tij, fushëveprimtaria e Institutit IHEF fokusohet në disa fusha si: Zhvillim ekonomik, social, avokim e lobim, integrime evropiane dhe komunikim.
“Kosova si shtet i ri ka nevojë për më shumë ide dhe plane konkrete, të cilat do të jenë një mundësi më e mirë për institucionet qoftë publike apo edhe private”, theksohet në njoftimin e Mehmetit.