Një person është therur me thikë në orët e mbrëmjes në qytetin e Mitrovicës së Veriut.
Sipas burimeve të RTV Dukagjinit i lënduari është i nacionalitetit serbe.
Rastin për RTV Dukagjini e ka konfirmuar Veton Elshani, zëvendësdrejtor i Policisë së Kosovës në veri të vendit.
”Sonte rreth orës 21e20 jemi njoftu nga Spitali në Mitrovica Veri se është pranu një person P.I.1984 me plagë të shkaktuara nga mjeti i mpreht (sipas të gjitha gjasave thikë) dhe gjendja e tij shëndetësore është stabile”.
“Sipas informacioneve të para të pranuara tre persona dhe një veturë kanë qenë të involvuara. Pas kërkimit, Veturën e kemi konfisku në një zonë aty afër e poashtu edhe një person është arrestu. Rasti hetohet si vrasje në tentativë”, ka thënë Elshani.