Chris Murphy, Thom Tillis dhe Jeanne Shaheen që të tre senatorë të Shteteve të Bashkuara të Amerikës (SHBA), vizitojnë të enjten e 21 prillit, Kosovën.
Para vizitës në Kosovë ata kanë vizituar Bosnjë e Hercegovinë (BeH) dhe Serbinë.
Gjatë qëndrimit në Kosovë, ata do të takohen me presidenten e Kosovës, Vjosa Osmani dhe kryeministrin Albin Kurti.
Senatori Chris Murphy përmes një postimi në rrjetin social Twitter, ka treguar për vizitën në Kosovë dhe për qëllimin e saj.
“Derisa Rusia vazhdon të humbasë në Ukrainë, ata do të përpiqen të krijojnë probleme në rajonet e brishta të afërta. Unë gjatë kësaj jave jam në Serbi, Kosovë dhe Bosnje me senatoren Shaeen dhe senatorin Thom Tills për të forcuar lidhjet e SHBA-së me Ballkanin, përballë përpjekjeve të huaja për ta minuar paqen”.
As Russia continues to lose in Ukraine, they will look to make trouble in nearby fragile regions.
I’m in Serbia, Kosovo, and Bosnia this week with @SenatorShaheen and @SenThomTillis to strengthen U.S. ties to the Balkans in the face of foreign efforts to undermine peace.
— Chris Murphy (@ChrisMurphyCT) April 19, 2022