Tre persona kanë mbetur të lënduar si pasojë e një aksidenti trafiku në rrugën nacionale Mitrovicë-Prishtinë, të hënën e dy prillit.
Këtë për RTV Dukagjinin e ka konfirmuar zëdhënësi i policisë për rajonin e Mitrovicës, Avni Zahiti.
Sipas tij, në ngjarjen e ndodhur në fshatin Stanovc janë përfshirë dy automjete.
“Një aksident trafiku me të lënduar është shkaktuar rreth orës 12:00, në rrugë nacionale Mitrovicë-Prishtinë, përkatësisht në segmenti rrugorë në fshatin Stanovc. Në aksident janë përfshirë dy automjete, si pasojë e aksidentit dhe lëndimeve të pësuara tre persona kanë kërkuar tretman mjekësor”, ka thënë Zahiti.
Ndryshe, sipas statistikave të përgjithshme të Policisë së Kosovës të publikuar në raport, brenda 24 orëve të fundit është raportuar një aksident me fatalitet, teksa 19 të tjera konsiderohen me të lënduar, kurse 18 janë cilësuar me dëme materiale.
