Kryetarja e Dhomave të Specializuara të Kosovës në Hagë, Ekaterina Trendafilova, do ta vizitojë të mërkurën Kosovën.
Ajo pritet të mbajë një takim me përfaqësues të shoqërisë civile.
Por, ky takim mund edhe të mos realizohet.
Është Partia Socialdemokrate, ajo që po kundërshton ardhjen e saj në Kosovë.
“Ironia më e madhe është vizita e Trandafiloves në Kosovë në kohën kur krerët e Kosovës po mbahen në Hagë. Në kohën kur krerët e Kosovës po mbahen të izoluar në Hagë dhe tashmë atyre u është ndalu edhe takimi me njëri-tjetrin, po u shkelet çdo e drejtë që i takon të burgosurve dhe nuk ka kuptim me pritë kryetarin e kësaj Gjykate”, ka thënë Bardh Ahmeti nga PSD-ja.
Ajo çfarë dihet deri më tani është se pas takimit me shoqërinë civile, do të ketë edhe një konferencë për media.