Një aksident trafiku ka ndodhur të martën e 16 gushtit në segmentin Veternik-Bresje, që lidhet me autostradën “Ibrahim Rugova”.
Kështu ka bërë të ditur për Portali Dukagjini, zëdhënësi i Policisë së Kosovës, Daut Hoxha, i cili ka shtuar se në këtë aksident janë përfshirë tri vetura.
Ai ka theksuar se si pasojë e aksidentit, tre persona kanë kërkuar ndihmë mjekësore.
“Në orën 14:25, policia është njoftuar për një aksident trafiku të ndodhur në autostradën në segmentin Veternik-Bresje. Në aksident janë përfshirë tri vetura dhe si pasojë e aksidentit tre persona kanë kërkuar ndihmë mjekësore”, ka thënë Hoxha.
Sipas tij, njësitet policore relevante janë duke u marrë me aksidentin.
