Presidenti amerikan, Donald Trump ka deklaruar se disa vende, përfshirë Mbretërinë e Bashkuar, do të ndihmojnë SHBA-në në operacionet në Ngushticën e Hormuzit.
Në një intervistë për Fox News, Trump tha se vendet aleate po dërgojnë anije të specializuara për pastrimin e minave detare, duke shtuar se edhe Mbretëria e Bashkuar është në mesin e tyre.
Ai theksoi se SHBA-ja tashmë ka në dispozicion mjete moderne për zbulimin dhe çaktivizimin e minave nënujore, por paralajmëroi se do të angazhohen edhe mjete më tradicionale për të siguruar lirinë e lundrimit.
Ndërkohë, Downing Street nuk e ka konfirmuar publikisht këtë deklaratë, por raportohet se autoritetet britanike po punojnë për një plan “praktik” për rihapjen e ngushticës.
Trump shtoi se përveç Mbretërisë së Bashkuar, edhe disa vende të tjera do të kontribuojnë në këtë operacion.
Trump thotë se SHBA-ja do ta bllokojë menjëherë Ngushticën e Hormuzit