Presidenti i Shteteve të Bashkuara të Amerikës, Donald Trump, ka emëruar Erica Kirk, vejushën e komentatorit konservator të vrarë Charlie Kirk, si anëtare të bordit drejtues të Akademisë së Forcave Ajrore të Shteteve të Bashkuara, një nga institucionet më të rëndësishme ushtarake.
Zëdhënësja e Shtëpisë së Bardhë, Olivia Wales, deklaroi për gazetën “USA Today” se emërimi i saj është një zgjedhje e duhur nga presidenti amerikan.
“Presidenti Trump bëri zgjedhjen perfekte duke emëruar Erica Kirk në bordin drejtues të Akademisë së Forcave Ajrore të SHBA-së”, tha ajo.
Erica Kirk, 37 vjeçe, tashmë është përfshirë në listën zyrtare të anëtarëve të bordit të kësaj akademie, e cila ndodhet në Kolorado Springs, në shtetin e Kolorados.
Bordi drejtues i Akademisë së Forcave Ajrore përbëhet nga 16 anëtarë dhe mbikëqyr çështje që lidhen me etikën, disiplinën, programet akademike, trajnimet, pajisjet, financat dhe metodat e mësimdhënies në institucion. Po ashtu, ai përgatit çdo vit rekomandime për Departamentin e Mbrojtjes të Shteteve të Bashkuara.
Charlie Kirk kishte qenë pjesë e këtij bordi deri në shtator, kur u vra në një kampus universitar në shtetin e Jutës.
Pas vdekjes së tij, Erica Kirk mori drejtimin e organizatës “Turning Point USA”, një lëvizje e njohur e rinisë konservatore në Shtetet e Bashkuara.
Aktivisti konservator Charlie Kirk qëllohet gjatë një ngjarjeje në një kolegj në SHBA