Presidentit amerikan Donald Trump i është dhënë çmimi i ri i paqes nga FIFA në shortin e Kupës së Botës.
Trump, i cili ka bërë fushatë të hapur për Çmimin Nobel për Paqen, ishte favorit shumë për të fituar çmimin e sapokrijuar të FIFA-s, shkruan AP, transmeton Dukagjini.
Ai dhe presidenti i FIFA-s, Gianni Infantino, janë aleatë të ngushtë, dhe Infantino e kishte bërë të qartë se mendonte se Trump duhet ta kishte fituar Nobelin për përpjekjet e tij për të ndërmjetësuar një armëpushim në Gaza.
Certifikata që Infantino i dorëzoi Trumpit njeh presidentin e SHBA-së për veprimet e tij për të “promovuar paqen dhe unitetin në të gjithë botën”.
“Kjo është ajo që duam nga një udhëheqës – një udhëheqës që kujdeset për njerëzit”, tha Infantino për Trumpin, i cili mbante një medalje ari rreth qafës dhe iu dha një trofe ari me emrin e tij mbi të që përshkruan duar që mbajnë botën.
Udhëheqësi i FIFA-s i tha Trumpit “ky është çmimi yt, ky është çmimi yt i paqes”.