Trumpi ia ndërpret mbrojtjen edhe Faucit

Dr. Anthony Fauci merr pjesë në një ngjarje në ndërtesën e Zyrës Ekzekutive Eisenhower në Uashington, DC, 9 dhjetor 2022. Saul Loeb/AFP nëpërmjet Getty Images

Presidenti amerikan, Donald Trump, ia ka hequr mbrojtjen e sigurisë ish-zyrtarit të lartë shëndetësor amerikan, Anthony Fauci, i cili është përballur me kërcënime me vdekje që nga pandemia COVID-19 kur ishte këshilltar kryesor për shëndetësinë në Shtëpinë e Bardhë.

“Nuk mund të kesh sigurinë për tërë jetën, sepse punon për qeverinë”, u tha Trump gazetarëve.

Këtë javë, Trumpi revokoi gjithashtu mbrojtjen për ish-Sekretarin e tij të Shtetit, Mike Pompeo, ish-këshilltarin e tij të Sigurisë Kombëtare, John Bolton, dhe ish-emisarin Brian Hook, të cilët të gjithë u përballën me kërcënime nga Irani, raportoi BBC. 

Fauci tani ka punësuar ekipin e tij privat të sigurisë që do ta paguajë vetë, raportojnë mediat amerikane.

I pyetur nëse ai ndihej përgjegjës për sigurinë e zyrtarëve, Trumpi u përgjigj: “Ata të gjithë kanë bërë shumë para. Ata gjithashtu mund të punësojnë rojet e tyre”.

Sipas protokollit amerikan, ish-presidentëve dhe bashkëshortëve të tyre u jepet mbrojtje sigurie. Por mbrojtja për zyrtarët e tjerë amerikanë vendoset bazuar në vlerësimin e kërcënimit nga komuniteti i inteligjencës.

Shija e redaktorit

Presidentja Osmani dekreton harmonizimin e listës së organizatave terroriste me...

Presidentja e Republikës së Kosovës, Vjosa Osmani, ka dekretuar sot harmonizimin e listës së organizatave të huaja terroriste me urdhrat ekzekutivë të presidentit amerikan,...

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

Të fundit nga rubrika