Ushtarë amerikanë, letonezë, polakë, turq dhe gjermanë nga batalioni i manovrimit të Komandës Rajonale-Lindje i misionit të KFOR-it kanë kryer misione të futjes ajrore mbi veriun e Kosovës.
KFOR-it nëpërmjet nj njoftimi bën të ditur se këto misione janë kryer gjatë ditës por edhe gjatë natës me njësi aviacioni dhe se këto aktivitete u lejojnë patrullave të arrijnë në zona kyçe përgjatë Vijës Kufitare Administrative, duke forcuar ndërveprimin, koordinimin dhe gatishmërinë operacionale midis forcave të KFOR-it në rajon, njofton Dukagjini.
“Aktivitete të tilla janë thelbësore për ruajtjen e kohezionit dhe gatishmërisë së njësisë, duke siguruar njëkohësisht efektivitetin e vazhdueshëm të KFOR-it në mbështetjen e një mjedisi të sigurt për të gjithë njerëzit në të gjithë Kosovën”, thuhet në njoftim.