Situata kaotike në godinën e qendrës tregtare në Lushnjë vijon ende, ndërsa tymi ka përfshirë nga të gjitha anët ndërtesën.
Në vendngjarje kanë dalur forcat zjarrfikëse të sigurisë kombëtare dhe të qyteteve përreth dhe ende nuk ka shifra të sakta se sa persona ka brenda në ndërtestë dhe se si është gjendja e tyre.
Gazetari i Top Channel, Bledar Korreshi raporton se po përpiqen të nxjerrin njerëzit e bllokuar në qendrën tregtare por edhe në të gjithë ndërtesën 12-katëshe, ku ka edhe apartamente.
Sipas tij, gjendja është e rëndë ndërsa ka edhe familjarë që nuk përgjigjen në telefon.
Zjarrfikësit kanë ndërhyrë brenda ndërtesës, ndërsa vërehet mungesa e pajisjeve kundër zjarrit.
Sipas informacioneve, ndërtesa fatkeqësisht nuk ka dalje emergjente, ndërsa ata që kanë dalë nga godina po transportohen në spitalin e Lushnjës. /Top Channel