Policia e Kosovës ka bërë të ditur se të premten e 18 nëntorit është arrestuar i dyshuari mashkull kosovar, pasi i njëjti dyshohet se ka kryer veprën e dhunimit ndaj viktimës femër kosovare.
Ndërkaq, siç ka njoftuar raporti 24-orësh i Policisë së Kosovës, viktima femër kosovare ka qenë e raportuar si e zhdukur.
Rasti ka ndodhur në komunën e Prizrenit të enjten e 17 nëntorit, që një ditë më pas (të premtën) është arrestuar personi i dyshuar për veprën.
Kësisoj, me vendim të prokurorit personi i cili dyshohet se ka kryer veprën penale “Dhunim”, është dërguar në mbajtje.
“DHUNIM- Prizren 17.11.2022 – NN. Me 18.11.2022 është arrestuar i dyshuari mashkull kosovar nën dyshimin se ka kryer veprën e dhunimit ndaj viktimës femër kosovare e cila ka qenë e raportuar e zhdukur. Me vendim të prokurorit i dyshuari është dërguar në mbajtje”, thuhet në raportin e PK-së.