Policia e Kosovës ka bërë të ditur se gjatë kontrollit të një veture kanë gjetur dhe konfiskuar mbi 1 mijë boksa me cigare.
Policia thekson se gjatë legjitimimit njëri nga të dyshuarit e ka sulmuar fizikisht njërin nga zyrtarët policorë, duke i shkaktuar lëndime të lehta trupore.
“Viti 14.01.2024-13:40. Raportohet se njësiti policor dhe njësiti mobil i doganës kanë ndaluar një veturë me targa vendore, ku gjatë kontrollit kanë gjetur dhe konfiskuar 1299 boksa me cigare. Gjatë legjitimimit të personave të dyshuar, njëri nga ta ka rezistuar duke e sulmuar fizikisht njërin nga zyrtarët policorë, të cilit i ka shkaktuar lëndime trupore. Dy të dyshuar janë arrestuar, ndërsa i dyshuari i tretë ka ikur nga vendi i ngjarjes. Me vendim të prokurorit dy të dyshuarit pas intervistimit dërgohen në mbajtje për 48 orë. Rasti nën hetime”, thuhet në raportin e PK-së.