Forcat izraelite kanë ndërmarrë një seri sulmesh gjatë natës ndaj dhjetëra objektivave të lidhur me programet bërthamore dhe raketat balistike të Iranit.
Një zyrtar ushtarak izraelit, në kushte anonimiteti, ka deklaruar të martën se si rezultat i goditjeve, udhëheqja ushtarake e Iranit është në arrati.
Sipas tij, objektivi bërthamor nëntokësor i Iranit në Fordo nuk është shënjestruar nga forcat ajrore izraelite – të paktën për momentin – por një veprim i tillë nuk përjashtohet në të ardhmen.
Lajmi është raportuar nga agjencia ndërkombëtare e lajmeve Reuters.
Zyrtari tha se deri më tani Irani ka lëshuar rreth 400 raketa balistike dhe qindra dronë drejt Izraelit, duke shënjestruar si objektiva civile ashtu edhe ushtarake. Sipas tij, rënia gjatë natës në numrin e raketave të lëshuara tregon se Izraeli ka arritur të dëmtojë aftësinë e Iranit për të lëshuar raketa.