Të hënën e 27-të qershorit në Parlamentin Evropian ishte zhvilluar një debat, ku Komisionari i BE-së për fqinjësi dhe Zgjerim Oliver Verhelyi ka paralajmëruar një udhërrëfyes shtesë për liberalizimin e vizave për Kosovën.
Zgjerimi i Bashkimit Evropian ishte temë se si do të bëhet zgjerimi i bllokut pas agresionit rus në Ukrianië.
Në këtë debat nuk kishin marrë pjesë vetëm deputetë e Parlamentit Evropian, por edhe deputetë nga parlamentet kombëtare të shumë shteteve anëtare të BE-së, por edhe të vendeve kandidate dhe të kandidatëve potencial.
Kur është disktuar për Ballkanin Perëndimor, Varhelyi kishte thënë se Kosova është në pritje të liberalizimit të vizave dhe se duhet ecur përpara me këtë çështje.
Ai tregoi se janë në gjendje gatishmëri që “t’i ndihmojmë Kosovës që, së bashku me shtetet anëtare, të vendosim një udhërrëfyes për adresimin e shqetësimeve specifike. Autoritetet e vendeve anëtare, agjencitë e rendit dhe ligjit, forcat e policisë, kanë nevojë të angazhohen në terren për t’i ndihmuar Kosovës. Nga ana jonë, ne jemi të gatshëm t’i japim Kosovës gjithë ndihmën financiare, teknike dhe politike për këtë proces”, ka thënë Varhelyi në një intervistë për Rtk live.
Tutje, ai ka treguar kërkesat e shteteve anëtare se në cilat fusha ato duan rezultate. Ato janë lufta kundër krimit të organizuar, anti-trafikimi dhe kërkesat për azil, ku “shtetet anëtare duan rezultate të qarta”.
“Në këto kohëra të vështira dhe në kontekstin e ndryshimeve gjeo-politike, prioriteti ynë mbetet Ballkani Perëndimor”, ka deklaruar Varhelyi.
Në Ballkanin Perëndimor i vetmi vend që nuk e gëzon lëvizjen e lirë është Kosova edhe pse i ka plotësuar të gjitha kriteret nga gjithsejtë 95 sa i kishte vendosur BE-ja në udhërrëfyesin për liberalizim.