Universiteti i Tetovës ka shprehur ngushëllime për vdekjen e studentes nga Kosova, Daorsa Spahija.
Në telegramin e ngushëllimit nga Universiteti i Tetovës thuhet se largimi i papritur i studentes kosovare përjetohet me dhimbje të madhe në shoqërinë tonë studentore, në auditorët, në bisedat dhe kujtimet që i ndanë së bashku, njofton Dukagjini.
“Humbja e Daorsës na prek thellë, jo vetëm si kolegë, por si një komunitet i tërë. Nuk humbëm vetëm një studente, humbëm një njeri të dashur, një jetë të re plot mundësi dhe një rrugëtim që duhej të vazhdonte. Dhimbja është e madhe, e heshtur dhe e vështirë të shprehet me fjalë. Në këto momente të rënda, shprehim ngushëllimet tona më të sinqerta për familjen e saj, të afërmit, miqtë. Le ta kujtojmë Daorsën me dashuri dhe me mirënjohje për kohën që patëm mundësinë ta kemi pranë nesh”, thuhet në telegramin e ngushëllimit.
Ambasada e Kosovës në Shkup reagon për rastin e studentes të gjetur pa shenja jete në Tetovë