Pas Prishtinës ku u prit nga zyrtarët më të lartë të shtetit të Kosovës, komisionari për Zgjerim i BE-së, Oliver Varhelyi, gjatë qëndrimit të tij në Kosovës, i ka vizituar edhe përfaqësuesit e Listës Serbe.
Ai e kaloi në këmbë urën mbi lumin “Ibër”, ku dhe vazhdoi për te zyrat e kryetarit të Listës Serbe, Goran Rakiq.
Varhelyi tha se krijimi i Asociacionit është kusht për normalizimin e marrëdhënieve në mes të Kosovës e Serbisë dhe për përparimin e Kosovës në BE.
“Themelimi i Asociacionit të Komunave me shumicë serbe është parakusht për normalizim dhe përparim të Kosovës në rrugën drejt BE-së”, tha Varhelyi.
Me të ishte edhe shefi i Zyrës së BE-së në Kosovë, Tomas Szunyog.