Gjatë kësaj të diele, do të mbahet protesta e organizuar nga Lista Serbe, duke filluar nga ora 12:00.
Ndërkaq, janë duke vazhduar përgatitjet për këtë protestë.
Protesta e Listës Serbe vijon pas bojkotimit të institucioneve të Republikës së Kosovës nga ana e tyre, të shtunën e pesë nëntorit.
Ndërsa, këtë të dielë ka dhënë dorëheqje kryetari i Mitrovicës së Veriut, Milan Radojeviq.
Njëjtë kanë vepruar edhe shtatë këshilltarët e këshillit komunal të Mitrovicës së Veriut, raporton Radio Kontakt Plus.
Sipas raportimeve, në seancën urgjente të Kuvendit të Komunës së Mitrovicës së Veriut, u tha sa dorëheqja do t’i kalojë Komisionit Qendror të Zgjedhjeve.
Gjithashtu, edhe deputetët e kuvendeve lokale në veri të Kosovës, kanë dhënë dorëheqje të dielën nga pozitat e tyre.
Me këtë akt, komunat serbe në veri praktikisht pushuan së funksionuari brenda sistemit të Kosovës.