Sot pritet të vazhdojë procesi gjyqësor ndaj ish-krerëve të Ushtrisë Çlirimtare të Kosovës (UÇK), në Dhomat e Specializuara të Kosovës në Hagë.
Seanca gjyqësore do të fillojë në orën 09:00 dhe do të përqendrohet në vazhdimin e shqyrtimit të çështjeve të ngritura nga Zyra e Prokurorit të Specializuar (ZPS).
Në këtë proces, ish-presidenti i Kosovës, Hashim Thaçi, ish-kryetari i Kuvendit Kadri Veseli, si dhe ish-anëtarët e lartë të UÇK-së, Rexhep Selimi dhe Jakup Krasniqi, po gjykohen për krime të pretenduara të kryera gjatë luftës së Kosovës.
Të enjten e kaluar, dëshminë e tij e dha dëshmitari i 91-të i Zyrës së Prokurorit të Specializuar, duke vijuar me prezantimin e provave dhe dëshmive në këtë proces.