Ministrja e Drejtësisë do të vazhdojë të martën intervistimin nga Prokuroria Speciale e Kosovës.
Haxhiu pasditen e së hënës është intervistuar nga prokuroria mbi deklarimet e saj për arratisjet e fundit nga burgjet e Kosovës.
Çështja e parë, sipas njoftimit të Prokurorisë për intervistimin e saj, ka të bëjë me deklaratën të dhënë në “Debat Plus” më dy korrik, “lidhur me takimet dhe diskutimet e mundshme me prokurorë dhe gjyqtarë për raste të caktuara”.
Kurse çështja e dytë ka të bëjë me një status në Facebook, ku ministrja kishte thënë se Serbia ka gisht në arratisjet e fundit që kanë ndodhur nga burgjet e Kosovës.
“Prokuroria Speciale e Republikës së Kosovës, njofton opinionin publik se me autorizim të Prokurorisë Speciale, sot është intervistuar Ministrja e Drejtësisë, Albulena Haxhiu, me qëllim të sqarimit të deklaratës së saj të dhënë në mediumin TV Dukagjini, në emisionin ‘Debat Plus’ më datë 02 Korrik 2024, lidhur me takimet dhe diskutimet e mundshme me prokurorë dhe gjyqtarë për raste të caktuara, si dhe postimin e saj në rrjetin social Facebook të datës 20 Korrik 2024, lidhur arratisjet që kanë ndodhur nga burgjet e Kosovës”, thuhet në njoftim.
Haxhiu kishte shkruar në Facebook se arratisjet e fundit nga burgjet e Kosovës – e mes të arratisurve ishte edhe Faton Hajrizi – janë lehtësuar dhe organizuar nga Serbia.
“Informacionet e organeve tona sugjerojnë që së paku në disa raste, këto arratisje janë cytur, organizuar, bashkorganizuar e lehtësuar nga grupe kriminale të lidhura me struktura të pushtetit në territorin e Serbisë. Ky organizim konsiston në dhënien e garancisë që për personat e tillë territori i Serbisë, grupet kriminale atje, e nivele të caktuara të pushtetit, u ofrojnë mburojë nga ndjekja penale e Republikës se Kosovës”, ka shkruar ministrja Haxhiu.
Deklarata në “Debat Plus” për të cilën u intervistua nga Prokuroria Speciale: