Një 16-vjeçar ka humbur jetën paraditen e së mërkurës në fshatin Zemanic të Leposaviqit, pasi është rrotulluar me traktor.
Sipas njoftimit të Policisë, rreth orës 11:00, Qendra Kryesore e Mjekësisë Familjare ka raportuar se një person ishte pa shenja jete pas aksidentit me traktor.
Njësitë policore kanë dalë menjëherë në vendngjarje, ndërsa stafi mjekësor ka konstatuar vdekjen e të miturit.
Viktima është identifikuar si D.P., 16 vjeç. Dëshmitarët kanë treguar se ai ishte duke tërhequr një lis me traktor kur mjeti bujqësor është rrotulluar, duke shkaktuar vdekjen e tij.
Me urdhër të Prokurorit të Shtetit, rasti është iniciuar si “Vdekje e dyshimtë”, ndërsa trupi i pajetë i është dorëzuar familjarëve.