Ish-zëvendësministri i Punëve të Jashtme dhe ish-ambasadori i Kosovës në Slloveni, Anton Berisha, ka ndërruar jetë pas një sëmundjeje të shkurtër.
Lajmin për vdekjen e tij e kanë bërë të ditur familjarët e tij.
“Me pikëllim të thellë dhe zemër të rënduar ju njoftojmë se babai ynë i shtrenjtë, Anton Berisha, sot, më datë 2 janar, pas një sëmundjeje të shkurtër, u nda nga kjo jetë, duke lënë pas një boshllëk të paimagjinueshëm në zemrat tona”, thuhet në njoftimin e familjes.
Anton Berisha ka pasur një karrierë të shquar si diplomatë dhe ka kontribuar në forcimin e marrëdhënieve ndërkombëtare të Kosovës.
Varrimi i tij do të zhvillohet më datë 3 janar, në orën 13:00, në varrezat katolike në Pejë.