Një grua 34-vjeçare është gjetur e vdekur në Graçanicë, ka njoftuar Policia e Kosovës të enjten.
Lidhur me rastin, detaje ka dhënë zëdhënësja e policisë për rajonin e Prishtinës, Flora Ahmeti.
Ahmeti për Portalin Dukagjini tha se vdekjen e viktimës e ka konstatuar ekipi mjekësor në vendin e ngjarjes.
“Aktualisht, policia në koordinim me Prokurorinë ka nisur dhe po ndërmerr të gjitha veprimet e duhura hetimore, që do të ndihmonin hetimin dhe sqarimin e rastit, ndërkohë që trupi i pajetë i viktimës është dërguar për obduksion”, tha Ahmeti.