Shërbimi Korrektues i Kosovës (ShKK) ka njoftuar se ka vdekur një i burgosur në Spitalin Rajonal të Pejës.
Në njoftim thuhet se i burgosuri nga fillimi i mbajtjes së dënimit ishte pranuar me probleme të rënda shendetësore, ku si pasojë tërë kohën është trajtuar në stacionarin e burgut sipas rekomandimeve të specialistëve përkatës të ShSKUK-së.
“Kohëve të fundit, që nga 13.03.2024 ka qenë i shtrirë duke u trajtuar në Spitalin Rajonal të Pejës, ku edhe ka ndërruar jetë në Kujdesin Intensiv të këtij spitali”, thuhet në njoftim.
Organet kompetente janë duke i zhvilluar procedurat ligjore, ndërsa autopsia do të verifikoi shkakun e vdekjes.