Blerim Vela, shefi i kabinetit të presidentes, Vjosa Osmani, ka thënë se grupet kriminale serbe po përpiqen që t’i detyrojnë serbët e Kosovës për të marrë pjesë në tubimin e organizuar nga presidenti serb, Aleksandër Vuçiq, më 26 maj.
Kështu është shprehur Vela përmes një postimi në Twitter, ku ka treguar për format që po i përdorin grupet ilegale dhe kriminale serbe.
“Po përgatiten listat e të gjitha personave që do të udhëtojnë, po merren me qira gjithë autobusët në dispozicion në veri të Kosovës, pushime vjetore të anuluara të punëtorëve. Kanë urdhëruar institucionet që të rishikojnë të gjitha lejet që u janë dhënë punëtorëve në terren dhe po ashtu të gjitha objektet shëndetësore janë paralajmëruar të mos miratojnë pushime mjekësore. Detyruan të gjitha furrat e bukës të përgatisin pako ushqimore për njerëzit që udhëtojnë në Beograd, ndërsa detyruan të gjitha shtypshkronjat të përgatisin materiale për tubime”, ka shkruar Vela.
Vela ka thënë se derisa Vuçiq-i dhe tjerët vazhdimisht trumbetojnë “se serbët vendas në Kosovë janë të rrezikuar nga shqiptarët, ata nuk e kanë problem t’u drejtohen kompanive të autobusëve në pronësi të shqiptarëve për t’i transportuar njerëzit në Beograd”.
“Serbia është një vend farsë dhe një fasadë e një demokracie që glorifikon intimidimin”, shtoi ai.
Serbia’s illegal and criminal groups in north Kosovo are in overdrive to coerce high participation of local 🇽🇰Serbs to Vučić’s May 26th rally in Belgrade:
📍preparing lists of all people that will travel
📍rented all available buses in north 🇽🇰
📍annulled annual leave of workers— Blerim Vela (@Blerim_Vela) May 17, 2023
Vuçiq ka paralajmëruar se zgjedhjet në Serbi do të mbahen më së voni në shtator, dhe se për këtë do t’i informojë qytetarët më 26 maj.