Lëvizja Vetëvendosje ka paralajmëruar një konferencë për media që do të mbahet sot në orën 10:00, vetëm pak kohë para nisjes së seancës së radhës të Kuvendit të Kosovës.
Konferenca do të zhvillohet në hollin pranë zyrës së Grupit Parlamentar të Vetëvendosjes dhe do të ketë përfaqësues Glauk Konjufcën dhe Albulena Haxhiun.
Lajmi u konfirmua nga zëdhënësi i LVV-së, Arlind Manxhuka, i cili nuk dha detaje lidhur me temat që do të trajtohen në konferencë.
“Sot, në 10:00, Lëvizja VETËVENDOSJE! mban konferencë për media. Flasin Glauk Konjufca dhe Albulena Haxhiu. Konferenca mbahet në hollin pranë zyrës së Grupit Parlamentar të LV-së”, ka njoftuar Manxhuka.