I pari i Prishtinës, Përparim Rama, e ka pritur në aeroport këngëtaren me famë botërore, Rita Orën.
Teksa e emocionuar ka zbritur nga avioni, është përkulur për ta prekur tokën e Kosovës.
“Mirë se erdhe në vendlindje e dashur Rita Ora! Nuk ka se si të jetë ndryshe, vetëm se i mbushur me shumë emocione, mall e dashuri çasti kur shkel në tokën e bekuar të Kosovës që gjithmonë e ke në zemër e mendje! Momente të paharrueshme na presin bashkë!”, ka shkruar Rama në Facebook.
“Oh Zot, faleminderit që jam shqiptare”, dëgjohet duke thënë ajo.
Rita Ora ka ardhur në Kosovë së bashku me bashkëshorti e saj, Taika Waititi dhe ajo sot feston ditëlindjen e saj të 33-të.